Seibiant y Sul yng Ngogledd Cymru

Beth am fwynhau penwythnos estynedig yng Ngwesty’r Traethau ac archebu ein cynnig Seibiant y Sul arbennig. Gallwch ymlacio o fore Sul tan fore Llun a pharatoi ar gyfer gweddill yr wythnos i ddod drwy aros dros nos yn un o’n hystafelloedd moethus, mwynhau cinio rhost o’n bwydlen Cinio Dydd Sul a brecwast llawn y bore Llun canlynol.

Seibiant y Sul yng Ngwesty’r Traethau

Dewch i fwynhau cyfle i ymlacio ac adfywio gyda’n cynnig Seibiant y Sul. Ar ôl i chi gyrraedd y gwesty, gallwch naill ai fynd i’ch ystafell yn fuan a threulio prynhawn Sul yng nghlydwch y gwesty neu fynd am dro braf ar draeth Barkby. Beth am alw heibio Bar a Bistro’r Promenâd gyda’r nos i fwynhau cinio rhost poeth o’n bwydlen Cinio Dydd Sul. Bydd cyfle i chi fwynhau brecwast llawn y bore canlynol ac ymlacio yn ein Hystafelloedd Hamdden, cyn gadael y gwesty yn hwyrach ymlaen.

Llety a Chyfleusterau 4 Seren ym Mhrestatyn

Mae Gwesty’r Traethau yn cynnig dewis eang o ystafelloedd moethus ar gyfer Seibiant y Sul. Mae pob ystafell yn cynnwys teledu clyfar, Wi-Fi am ddim, nwyddau ymolchi a chyfleusterau te a choffi am ddim, ynghyd â dillad gwely ffres, braf a matresi trwchus, felly byddwch yn siŵr o gael noson dda o gwsg yn ystod eich arhosiad. Gall gwesteion hefyd ddefnyddio ein hystafelloedd hamdden a mwynhau nofio yn ein pwll nofio mawr, dan do, ymlacio yn y sawna neu’r jacuzzi neu gadw’n heini yn ein campfa.

Mae’r cynnig Seibiant y Sul yn cynnwys:

• Cyrraedd y gwesty yn gynnar a gadael yn hwyr (os yn bosibl)
• Ystafelloedd o £169 y noson
• Ystafell ddwbl neu ystafell dau wely  gyda golygfa o’r mynydd (gyda chyfle i uwchraddio)
• Cinio Dydd Sul 2 gwrs – Edrychwch ar ein Bwydlen Cinio Dydd Sul YMA
• Brecwast llawn a chyfandirol ar gael bob bore
• Defnydd llawn o’r Ystafelloedd Hamdden
• Wi-Fi a pharcio am ddim ar y safle

Beth am wneud dydd Sul yn ddiwrnod gorau’r wythnos trwy archebu ein cynnig Seibiant y Sul ac aros yng  Ngwesty’r Traethau. Mae croeso cynnes yn aros amdanoch.