Ein Swît Priodasol

Yng Ngwesty’r Traethau mae gennym ddewis o ystafelloedd lle gallwch chi ac aelodau’r teulu dreulio’r noson cyn eich priodas. Ar fore’r briodas mae digon o le i bawb baratoi.

Swît Priodasol Y Traethau

Mae lle ar gyfer 5 o westeion yn Swît Priodasol Y Traethau.

Gall gwesteion gyrraedd y gwesty o 3pm ymlaen, felly mae digon o amser i ymlacio neu fynd am dro ar hyd y twyni tywod neu’r traeth cyn mwynhau diod ar y teras ym Mar a Bistro’r Promenâd. Gallwch wylio’r haul yn machlud dros Fôr Iwerddon a gwrando ar sŵn y môr cyn mwynhau noson dda o gwsg cyn y diwrnod mawr.

Digon o Le i Bawb ar Ddiwrnod eich Priodas

Mae digon o le i chi a’ch gwesteion ymlacio, gyda digonedd o seddi, cyfleusterau hongian dillad a bwrdd gwisgo a drych. Gall eich steilydd gwallt, barbwr, ac artistiaid colur ymuno â chi ar fore’r briodas. Rydym yn darparu drych hir fel bod pawb yn edrych ar eu gorau.

Bydd y golygfeydd o’r môr yn gefnlen arbennig i’r lluniau o’ch ffrog neu siwt ar fore eich priodas.